Xildhibaan Maxamed Maxamuud Xeyd oo Muqdisho lagu dilay

Muqdisho:-Waxaa saaka lagu dilay magaalada Muqisho Xildhibaan ka tirsanaa Golaha Baarlamaanka ee Dowladda Federaalka Soomaaliya laguna magacaabi jiray Maxamed  Maxamuud Xeyd, waxaabn dhaawac uu weerarka lagu dilay Xildhibaanka ka soo gaaray qof la socday. Dilka Xildhibaan Maxamed  Maxamuud Xeyd ka dib ayaa waxaa goobta soo gaaray ciidamo ka tirsan kuwa Dowlada Federaalka Soomaaliya waxaan ay bilaabeen howl galo ay ku baarayaan cid dishay Xildhibaanka balse uma suuro geli ilaa hadda in ay gacanta ku dhigaan kooxda dableyda ah ee dishay Xildhibaan Maxamed  Maxamuud Xeyd.

Dilka Xildhibaankan ayaa waxa uu ku soo beegmayaa xili magaalada Muqdisho ay ka wadeen madaxda Dowladda Federaalka Soomaaliya maalmihii u danbaysay barmaamij loogu magac daray ” Nabad ku Afura” walow dilal kale duwan loo geystay Askar ka tirsan dowladda Federaalka Soomaaliya. Ururka Al-shabaab ayaa sheegtay dilka Xildhibaan Maxamed  Maxamuud Xeyd waxaa ay ku goodyeen in ay sii wadi doonaa beegsiga  Xildhibaanada dowladda Federaalka Soomaaliya  iyo cid walba oo ka tirsan Dowladda Federaalka Soomaaliya.

A/cawaale
Halgan.net