Guddoomiyaha Hay’adda culimada Soomaaliyeed oo caawa muxaadaraad ka bilaabaya Nairobi.

Nairobi:-Guddoomiyaha hay’adda culimada Soomaaliyeed, Dr. Bashiir Axmed Salaad ayaa caawa waxa uu masaajidka Abuu Bakar sidiiq (6ka) ee magaalada Nairobi, ka bilaabayaa muxaadaradiisa koowaad oo ka mid ah dhowr muxaadaro oo uu ku qaban doono dhowr masjid haddii Illaahay idmo. Sheekha, ayaa caawa muxaadaradiisa ciwaan uga dhigay: Tilmaamaha Guud Ee Tubta Toosan) isagoona uga hadli doona sida ugu habboon ee qofku ugu socon karo waddada saxda ah, isla markaasna isaga ilaalin karo waddooyinka qaloocan ee garab-marsan dariiqa saxda ah.

Sheekha, ayaa sidoo kale kullamo gaar ah la qaadanaya ducaadda, isagoona kala hadlaya qaabka ugu habboon ee dariiqa saxiixa ah umadda loogu hagi lahaa. Haddii Illaahay yiraahdo muxaadaraadka sheekha, waan idin soo gudbin doonnaa iyagoo maqal iyo muuqaal ah.

Halgan.net/Somalireal