Madaxweynaha Puntland oo la kulmay Mr.Yuan Li. (Masawiro)

Garoowe:-Madaxwaynaha Dowladda Puntland Dr.Cabdiwali Maxamed Cali Gaas ayaa Maanta aqalka Madaxtooyada Dowladda Puntland ee Garoowe ku qaabilay Madaxa Shirkadda China Civil Engineering Construction Corporation(CCECC) Mr.Yuan Li. Kullan gaar ah oo ay wada qaaten Madaxwayne Gaas iyo Mr.Yuan Li ayay uga wada hadleen Dar dar galinta Dhismaha Dhabaha diyaaraduhu ka haaden ee Boosaaso oo ay shirkadaasi wado hirgalinteeda.

Mr.Yuan Li ayaa Madaxwayaha Dowladda Puntland u sheegay in xili dhow ay bilaabayaan howsha,isagoona balan qaaday in ay ka go,antahay sidii ay Garoonka diyaaradaha ee Boosaaso uga dhigi lahaayen Garoon caalami ah oo la jaanqaada Garoomada Diyaaradeed ee ku yaala Wadamada Caalamka .

Shirkada China Civil Engineering Construction Corporation (CCECC) ayaa sheegtay in ay diyaar u yihiin ka qayb qaadashada Horumarinta Dalka iyo in ay mashaariic horumarineed ay ka fuliyaan Guud ahaan Puntland. Madaxwaynaha Dowladda Puntland Dr.Cabdiwali Maxamed Cali Gaas ayaa dhankiisa soo dhaweeyay shirkadaasi China Civil Engineering Construction Corporation (CCECC),sheegayna in ka dowlad ahaan soo dhawaynayaan si ay dalka iyo dadkaba wax ugu qabtaan,islamar ahaantaasna tibaaxay in siyaasada dowladda puntland tahay mid fur fura,soona dhawaynayaan cid kasta oo maalgashi kasamaynaysa Puntland.

no images were found

-DHAMMAAD-
Xafiiska Warfaafinta,Wacyigalinta,Hiddaha Iyo Dhaqanka ee Madaxtooyada