Nin ku labisnaa dharka dumarka oo lagu qabtay magaalada Boorama ee Gobolka Awdal.[Video]

Boorame:-Ciidanka Booliska ee magaalada Boorama ee xarunta gobolka Awdal ayaa shalay waxaa ay qabteen nin ku labisan dharka dumarka gaar ahaan Xijaab dumarka iyo Indho-shareer xili uu ka dukaamaysanayey Suuqa qudaarta ee magaalada. Taliyaha  qeybta  Booliska ee gobolka Awdal  Cabdi Barqad Kheyre  oo la hadlay saxaafadda  ayaa waxaa uu mahad balaadhan u soo jeediyey gabar reer Boorame ah oo ciidanka amaanka ku wargelisay ninka la qabtay maadaama ay ka shakisay.

Taliyaha  qeybta  Booliska ee gobolka Awdal  Cabdi Barqad Kheyre  ayaa sheegay in ay ninka lagu qabtay isagoo labisan dharka dumarka ay ku wadaan baaritaan ayna ogaan doonaa sababta ku kaliftay in Xijaabka dumarka  uu soo xirto. Ugu danbayntii ayaa Taliyaha  qeybta Booliska ee gobolka Awdal  Cabdi Barqad Kheyre  waxaa uu ka cod saday dadweynaha reer Boorame in ay la shqeeyaan ciidanka si looga hortago wax walba oo khalkhal iyo nabadgalyo xumo keeni kara.
Hoos ka Daawo Video-ga ninka labisnaa dharka dumarka ee lagu qabtay magaalada Boorame

M_M_Deeq
Halgan.net