Xildhibaano Dowladda Federaalka Soomaaliya oo saaka soo gaaray Garoowe.[Masawiro]

Garoowe:-Waxaa saaka soo gaaray magaalada Garoowe ee xarunta Dowladda Puntland qaar ka mid ah Xildhibaanada dowladda Federaalka Soomaaliya ee deegaan ahaan ka soo jeeda Puntland ka dib codsi wada tashi oo uu ugu yeeray Madaxwaynaha Dowladda Puntland Dr. Cabdiwali Maxamed Cali Gaas arrinkaas oo sabab u ah khilaafka u dhexeeya madaxda DFS iyo Puntland. Xildhibaanada dowladda Federaalka Soomaaliya  ee saaka yimid Garoowe ayaa tiradooda waxaa lagu sheegay ilaa 6 Xildhibaan waxaan garoonka diyaaradaha ee Garoowe ku soo dhaweeyey masuuliyiin ka tirsan golayaasha dowladda Puntland.

Xildhibaanada dowladda Federaalka Soomaaliya  ayaa kulan hor dhac ah waxaa ay la yeeshee Madaxwaynaha Dowladda Puntland Dr.Cabdiwali Maxamed Cali Gaas ka dib booqasho ay ku  tageen Madaxtooyada Dowladda Puntland.

Kulanka ka dib ayaa  Madaxwaynaha Dowladda Puntland Dr.C/wali Maxamed Cali Gaas waxaa uu la hadlay warbaahinta isagoo uga mahadceliyey Xildhibaanada Dowladda Federaalka Soomaaliya sidda ay codsiga dowladda Puntland ay u aqbaleen wuxuuna uu sheegay in uu dhici doono kulan balaaran oo wada tashi ah oo dhex mari doona Xildhibaanada DFS iyo Dowladda Puntland kaas oo laga so saari doono warsaxaafadeed iyo go’aano wada jir ah oo taabanaya xaalada siyaasadeed ee Soomaaliya.

no images were found

M_M_Deeq
Halgan.net