Heshiis Gal-Mudug iyo maamulka Gobollada dhexe oo ka furmay Dhuuso-mareeb.[Masawiro]

Dhuuso-mareeb:-Magaalada Dhuuso-mareeb ee xarunta maamulka Gal-Mudug ayaa saaka waxaa ka furmay shir lagu dhameystiryo heshiisyo ay horay u wada gaareen maamullada Galmudug iyo maamulka Gobollada dhexe ee gacanta ku haya Dhuuso-mareeb iyo Guriceel waxaan xaflada hishiiska goob jog ka ah madaxweynaha Dowladda Federaalka, madaxda maamullada ka jira dalka, xubno ka socda beesha calaamka.

Wafdi ka socda IGAD oo uu hogaaminayo Francisco Madeira, iyo Erkeyga gaarka ah ee arrimaha Soomaaliya Michael Keatingayaa gaaray magaalada Dhuuso-mareeb ee xarunta maamulka Gal-Mudug si ay goob joog uga ahaadaan shir dib u heshiisiin oo lagu dhamays tirayo hishiisyo ay horay u wada gaareen maamulka Gal-Mudug iyo Maamulka Gobollada dhexe.

Waxaa la filayaa in shirkaan uu noqdo kii ugu danbeeyey ee soo afjar khilaafka iyo mad madowga awood qaybsi ee ku kala dhex jiray maamulka Gal-Mudug iyo maamulka Gobollada dhexe ee ay hogaamiyaan Suufiyadu.

Dhanka kale wararka ka imaanaya saaka degmada Cadaado ayaa sheegay in uu ka socdo banaanbax looga soo horjeedo shirka ka furay degmada Dhuuso-mareeb ee la doonayo in lagu dhameystiro heshiiska maamulka Gal-Mudug iyo maamulka Gobollada,

no images were found

Banaanbax degmada Cadaado ayaa ku soo beegmaya xili shalay Xildhibaano Labada Aqal ee Baarlamaanka Federaalka ay gaareen magaalada Cadaado, si ay ula kulmaan odayaasha dhaqanka iyo siyaasiyinta degmada Cadaado si looga hortago khilaaf hor leh oo dhex gala beelaha dega deegaanada hoos taga maamulka Gal-Mudug

A/cawaale
Halgan.net