Madaxweynaha JFS oo si diiran loogu soo dhaweeyey magaalada Gaalkacyo ee xarunta gobalka Mudug

Madaxweynaha JFS Mudane Maxamed Cabdullaahi Farmaajo iyo Wafdi uu hoggaaminaayo ayaa goor dhow Gaaray Magaalada Gaalkacyo ee xarunta gobalka Mudug . Wafdiga Madaxweynaha JFS ayaa waxaa garoonka Diyaaradaha Gaalkacyo ee Claahi Yuusuf Axmed si diiran ugu soo dhaweeyey masuuliinta heer gobal iyo mid Degmo iyo kumanaan ka mid ah Shacabka ku dhaqan Magaalada Gaalkacyo.

Wafdiga Madaxweynaha ayaa waxaa socdaalkiisa ku weheliya Madaxweynaha Puntland Dr Cabdiweli Maxamed Cali Gaas iyo xubno ka tirsan labada gole ee xukuumada Puntland .

Madaxweynaha JFS ayaa waxaa uu u sii gudbi doonaa deegaanada Galmudug oo si weyn loogu diyaargaroobayo soo dhaweyntiisa .

Faahfaahinta iyo Masawirada soo dhaweynta Madaxweynaha JFS ee magaalada Gaalkacyo dib baan idiinka soo gudbin doonaa Inshalaah

M_M Deeq
Halgan.net