Jawaari oo ka hadlay wixii maanta ka dhacay Xarunta Golaha Shacabka (Daawo)

Muqdisho:-Gudoomiyaha Baarlamaanka DFS Prof Maxamed Sheekh Cusmaan Jawaari ayaa ka hadlay wixii maanta ka dhacay xarunta Golaha Baarlamaanka DFS sheegay in Saakay loo diiday in uu xarunta ku taggo gaadiidkiisa, islamarkaana uu xarunta Golaha Shacabka ku yimid mar danbe isaga iyo 11 askar ilaalo u ah.

Jawaari ayaa beeniyay in ciidamo taageersan ay la wareegeen xarunta golaha Shacabka waxaana uu sheegay in ay tahay war aan sax ahayn.

Gudoomiyaha Baarlamaanka DFS Jawaari ayaa Taliyeyaasha ciidamada  ugu baaqay in aysan ku dhexmilan siyaasadda wuxuuna ugu baaqay in ay ka dhaqeeyaan amniga

Taliyeyaasha Ciidamada Xoogga dalka Soomaaliyeed ayaa ku eedeeyay Gudoomiyaha Baarlamaanka in uu saakay uu  ciidamo  ku qabsaday golaha shacabka.

A/Cawale
Halgan.net