Raisulwaaraha DFS oo gaaray magaalada Kismaayo ee xarunta KMG Jubaland

Kismaayo:-Madaxweynaha Dowladda Jubaland Mudane Axmed Maxamed Islaam ayaa maanta garoonka diyaaradaha Sayid Maxamed Cabdille Xasan kusoo dhaweeyay Ra’iisul Wasaaraha Xukuumada Jamhuuriyada Federaalka ah ee Soomaaliya Mudane Xamza Cabdi Barre iyo wafdi uu hogaaminayo.

Ra’iisul Wasaaraha Xukuumada Federaalka ah ee Soomaaliya ayaa Jubaland u yimid dhiirigalinta iyo tageerada Ciidamada Jubaland iyo Xooga dalka oo guulo la taaban karo ka gaaray dagaaladii u danbeeyay ee ka dhacay deegaanada Jubaland.

Ra’iisul Wasaaraha Xukuumada Jamhuuriyada Federaalka ah ee Soomaaliya Mudane Xamza Cabdi Barre oo uu wehelinayo Madaxweynaha Dowladda Jubaland Mudane Axmed Maxamed Islaam iyo Taliyayaasha Ciidanka Xooga iyo Booliska iyo Wasiirada Gaashandhiga, Amniga, arrimaha gudaha, Tamarta iyo Kheyraadka Biyaha Dowlada Federaalka ah ayaa maanta booqasho dhiirigalin ah ugu tagay Ciidamada Darawiishta Jubaland gaar ahaan guutada Birjeex ee fadhigoodu yahay deegaanka BuuloXaaji ee gobolka Jubada Hoose.

Guutada Birjeex ee Ciidamada Darawiishta Jubaland ayaa dhawaan cagta mariyay khawaariita oo weerar kusoo qaaday deegaankan taas oo ah tariikhda jabkii ugu weynaa ee hal goob kusoo gaara Khawaariijta.

/p> ——Dhamaad—-