Ciidamada Booliska Gobalka Bari oo qabtay rag dhigayey qaraxyo iyo Agab kaleoo loo adeegsado qaraxyada.

Boosaaso:-Wararka ka imaanaya magaalada Boosaaso ee xarunta gobalka Bari ayaa sheegaya in Ciidamada Amniga Gobolka Bari oo hawlgal xooggan ka sameeyey magaalada Boosaaso ka dib xog ay la wadaageen shacabka ay gacanta ku dhigeen oo ay fashiliyeen rag maleegayey qaraxyo.

Ciidamada amaanka ayaa waxaa ay soo bandhigeen qaraxyo iyo agab kale oo loo adeegsado qaraxyada, kuwaasi oo laga helay guriga uu degganaa nin ajnabi ah oo xalay Ciidanku toogteen xilli uu qaraxyo ku aasayay gudaha magaalada Boosaaso.

Ciidanka Booliska ayaa waxa kale oo ay gacanta ku dhigay koox ajaanib ah oo degganaa guriga qaraxyada laga soo saaray, islamarkaana waxay suuqa ka soo qabteen nin u dhashay dalka Yemen oo guriga deganaa oo xalay isagoo dhaawac baxsaday .

Ciidamada Ammaanka Puntland oo kaashanaya Shacabka ayaa magaalooyinka Puntland ka bilaabay hawlgallo lagu xaqiijinayo Amniga guud xilli Ciidamada kala duwan ee Difaaca Puntland ay dagaal xoogan kula jiraan kooxda argagaxisada oo ku dhuumaaleysanaya buuraha Calmiskaad.

A/Cawale
Halgan.net