Ciidamada Puntland oo deegaano hor leh ka qabsaday Kooxda Daacish.

Boosaaso:-Ciidamada Difaaca Puntland ayaa maanta la wareegay Talisyo muhiim ah oo argagixisada Daacish ay ku lahaayeen inta u dhexeysa deegaanada Damdamle illaa Cidoole, sida lagu sheegay qoraal kasoo baxay Taliska Howlgalka ciribtirka argagixisada ee Puntland.

“Ciidanku waxay ka howlgaleen deegaannada Damdamale illaa Ina Cidoole ee deegaanka Turmasaale-Calmiskaad. Waxay talisyo ka baacsadeen Argagixisada Daacish. Howlgalku hore ayuu u ruqaansaday.”

Ciidamada Difaaca Puntland ayaa saaka ka Ruqaansaday Deegaanka Conqoro waxaana ay dagaal kooban la galeen kooxda Daacish oo tiro yar ku reebay deegaanadaas waxayna ciidamadu kala wareegeen Taliska 𝗤𝗮𝗮𝗾𝘀𝗶𝗶 iyo Deegaanada Kala Ah 𝗗𝗵𝗶𝗱𝗵𝗶𝗻𝗹𝗲𝘆 , 𝗔𝗿𝗶 𝗠𝘂𝗱 𝗠𝘂𝗱 𝗶𝗹𝗮𝗮 𝗗𝗶𝗯𝗼𝘄𝗴𝗮 𝗦𝗶𝗶𝗱𝗼𝗼𝗱.

Dhanka kale ciidamada Difaaca ee Puntland ayaa la wareegay saaka Jano Jiifta iyo deegaanka Tuurmasaale
Kooxda Daacish ayaa waxaa gaaray jab weyn ka dib markii laga saaray talisyo badan waxaana laga qabsaday saadkii raashinka iyo Shidhaalka .

———Dhamaad——