Wararkii ugu danbeeyey howlgalada ka dhanka ah Mijrimiinta Daacish ee ka socda Buuraha Calmiskaad

Boosaaso:-Wararka naga soo gaaraya gobalka Bari ayaa sheegaya in Ciidamada Puntland maanta weeraro cagmarin ah ku qaadeen buuraha calmiskaad oo ay ku dhuumaaleysanayaan kooxda argagixisada Ee Daacish.

Ciidamada Puntland oo garab ka helaya dadka deegaanka ayaa howlgalo ka fuliyey oo ka qabsaday kooxda Mujrimiinta ee Daacsih Taliska Ceel-ileed, Taliska Al-dacwa oo u ahayd maxkamad ku sheeg, Taliska Dibqalooc, Taliska dugsigooddii tababarka iyo Talis wayn oo saaran Hadi-xannaan.

Ciidamada Puntland ayaa sidoo kale qarxiyey In kabadan 8 Miino oo ay dhulka ku aaseen kooxda Naflacaariga ah ee Daacish.

Howlgalka ciribtirka argagixisada Daacish ee Puntland ayaa si dardar leh uga socday buuraleyda Cal-miskaad ee gobalka Bari.

Ciidamada Puntland ayaa gaaray guulo taariikhi ah oo ay ku diirsadeen shacabka Puntland ee wadajirka, nabad iyo horumarka ku caan baxay.

https://t.me/HawlgalkaCiribtirkaArgagixisadPL

A/Cawale
Halgan.net