Ciidamada Puntland oo Talisyo hor leh ka qabsaday kooxda Mujrimiinta Daacish.

Digaale:-Ciidanka Hawlgalka Ciribtirka Argagixisada ee Puntland, ayaa maanta la wareegay oo burburiyay talisyo ay Argagixisada Daacish ku laheyd Buuralayda Cal-miskaad, kuwaasi oo kala ah

Taliska Al-Barako, Taliska Digaale iyo dhammaan saldhigyada hoostaga Hadi-dharin iyo Hadi-xanaan ee buuralayda Calmiskaad ee Gobolka Bari.

Talisyada maanta Ciidanku burburiyay waxaa ku jiray kuwii Saanada ciidanka sida Shidaalka, Geerashyo qaraxyada iyo gawaarida lagu farsameeyo iyo xafiisyo ay isticmaali jireen xubno Sarsare oo Argagixisada ka mid ah, waxaana goobta laga helay Baasaboor Sacuudi uu lahaa mid ka mid ah Xubnihii Daacish ee halkaasi ka cararay.

-DHAMMAAD-