Wasaarada Warfaafinta Puntland oo ka warbixisay 5 Talis oo ciidanka Puntland ka qabsadeen Kooxda Daacish

Boosaaso:-Ciidamada Puntland ayaa sii xoojinaya dagaalka ka dhanka ah argagixisada Daacish, iyagoo guulo muhiim ah ka gaaray howlgallada ka socda buuraha Calmiskaad ee Gobolka Bari. 24-kii saac ee lasoo dhaafay, ciidamada ayaa burburiyay shan talis oo muhiim u ahaa kooxaha argagixisada, kuwaas oo ku yaallay inta u dhexeysa Ceel-Illeed iyo Hadiyo. 𝐆𝐮𝐮𝐥𝐢𝐡𝐢𝐢 𝐔𝐠𝐮 𝐃𝐚𝐦𝐛𝐞𝐞𝐲𝐚𝐲 Talisyada la burburiyay waxaa ka mid ah: 1. 𝐃𝐮𝐠𝐬𝐢𝐠𝐢𝐢 𝐓𝐚𝐛𝐚𝐛𝐚𝐫𝐤𝐚 𝐞𝐞 𝐃𝐚𝐚𝐜𝐢𝐬𝐡 – Xarun muhiim ah oo lagu tababarayay dagaalyahanada cusub. 2. 𝐓𝐚𝐥𝐢𝐬𝐤𝐚 𝐀𝐥-𝐃𝐚𝐜𝐰𝐚 – Xarun isku dhaf ah oo u adeegi jirtay maxkamad, xarun tashkiilin iyo goob faafinta fikirka argagixisada. 3. 𝐓𝐚𝐥𝐢𝐬𝐤𝐚 𝐂𝐞𝐞𝐥-𝐈𝐥𝐥𝐞𝐞𝐝 𝟒. 𝐓𝐚𝐥𝐢𝐬𝐤𝐚 𝐃𝐢𝐛𝐚-𝐐𝐚𝐥𝐨𝐨𝐜 𝟓. 𝐓𝐚𝐥𝐢𝐬𝐤𝐚 𝐇𝐚𝐝𝐢 𝐗𝐚𝐧𝐚𝐚𝐧 Ciidanku waxa ay burburiyeen hub, qalab, iyo saanad ay argagixisadu adeegsan jireen, kuwaas oo ay ka mid ahaayeen shidaal, geerashyo lagu farsameeyo qaraxyada iyo baabuur, iyo xafiisyo ay ku shaqeynayeen xubno sar-sare oo kooxda ka tirsan. 𝐓𝐚𝐥𝐢𝐬𝐲𝐨 𝐌𝐮𝐡𝐢𝐢𝐦 𝐚𝐡 𝐨𝐨 𝐅𝐚𝐬𝐡𝐢𝐥𝐦𝐚𝐲 Dagaalka oo sii xoogaystay maanta ayaa sidoo kale horseeday in ciidanka la wareegaan talisyo kale oo muhiim ah, oo ay ku jiraan: – 𝐓𝐚𝐥𝐢𝐬𝐤𝐚 𝐀𝐥-𝐁𝐚𝐫𝐚𝐤𝐨 – 𝐓𝐚𝐥𝐢𝐬𝐤𝐚 𝐃𝐢𝐠𝐚𝐚𝐥𝐞 – 𝐒𝐚𝐥𝐝𝐡𝐢𝐠𝐲𝐚𝐝𝐚 𝐡𝐨𝐨𝐬 𝐲𝐢𝐦𝐚𝐚𝐝𝐚 𝐇𝐚𝐝𝐢-𝐃𝐡𝐚𝐫𝐢𝐧 𝐢𝐲𝐨 𝐇𝐚𝐝𝐢-𝐗𝐚𝐧𝐚𝐚𝐧. Waxyaabaha laga helay goobaha waxaa ka mid ahaa baasaboor Sacuudi ah oo uu lahaa mid ka mid ah xubnihii ka tirsan argagixisada Daacish, taasoo muujineysa xiriirada caalamiga ah ee kooxda. 𝐑𝐮𝐪𝐚𝐚𝐧𝐬𝐢𝐠𝐚 𝐂𝐢𝐢𝐝𝐚𝐦𝐚𝐝𝐚 𝐢𝐲𝐨 𝐔𝐣𝐞𝐞𝐝𝐝𝐚𝐝𝐚 𝐇𝐨𝐰𝐥𝐠𝐚𝐥𝐤𝐚. Ciidamada Puntland ayaa ku sii ruqaansanaya buuraha, iyagoo bartilmaameedsanaya xubnaha kale ee ku dhuumaaleysanaya deegaanada harsan. Ujeeddada howlgalka waa in gebi ahaanba la ciribtiro Daacish iyo awooddooda dagaal, iyadoo la xoojinayo amniga iyo xasiloonida gobolka. Howlgalkan ayaa ah mid muujinaya sida ay Puntland uga go’an tahay inay meesha ka saarto khatarta argagixisada, iyadoo si gaar ah diiradda loo saarayo ka hortagga halista ay miinooyinka iyo weerarada qorsheysan ku hayaan shacabka iyo ciidamada Puntland. 𝐈𝐬𝐤𝐚𝐚𝐬𝐡𝐢𝐠𝐚 𝐁𝐮𝐥𝐬𝐡𝐚𝐝𝐚 𝐢𝐲𝐨 𝐀𝐦𝐧𝐢𝐠𝐚 Taliska Howlgalka Ciribtirka Argagixisada Puntland ayaa ugu baaqay shacabka ku nool deegaannada buuraha ku teedsan inay gacan ka geystaan soo gudbinta xogaha ku saabsan dhaqdhaqaaqa cadowga, taasoo qayb weyn ka noqonaysa sugidda amniga gobolka. -𝐃𝐡𝐚𝐦𝐦𝐚𝐚𝐝-