Ciidamado ka tirsan DFKM iyo kuwa Ahlu suna oo la wareegay degmada Garbahaarey

Gedo:-Ciidamado ka tirsan DFKM iyo kuwa Ahlu suna oo wada socda ayaa la wareegay gacan ku haynta degmada Garbahaarey ee gobolka Gedo ka dib markii ay ka baxeen ciidankii Ururka Al-Shabaab.

Ciidamada la wareegay Degmada Garbahaarey ee gobolka Gedo ayaa fariisimo ka sameysatay duleedka magaalada iyo xarumihii dowlada waxaana degan xaalada Degmada Garbahaarey .

Ciidanka Ururka Al-Shabaab ayaan iyana ka fogeyn Degmada Garbahaarey waxaana isku muuqda labada ciidan

Saraakiisha ciidanka Al-Shabaab ayaa sheegay in ay uga baxeen Garbahaarey xeelad dagaal ayna dagaal dheer la gali doonaan ciidamada huwanta ah oo ay taageero siinayso Itoobiya sida uu sheegay sarkaal ka tirsan Al-Shabaab oo ku sugan Gobalka Gedo.

Qabsashada Degmada Garbahaarey ee gobolka Gedo ayaa waxaa saxaafada u xaqiijiyey Gudoomiyaha gobolka Gedo Maxamed Cabdi Khaliil

C/Casiis Maxamed
Halgan.net