Hogaamiyihii Dhaalibaan Pakistan Hakimullah Mehsud oo lagu dilay Waziristan.

Pakistan:--Diyaaradaha Drone-ka ah oo ay leeyihiin  ciidanka Mareykanka ayaa maanta waxay weerar ku qaadeen kulan ay isigu yimaadeen hogaanka Dhaalibaan Pakistaan waxayna kulanka uga arinsanayeen wadahadal u socday dowlada Pakistan.

Weerarka ayaa waxaa ku dhintay hogaamiyihii Dhaalibaan Pakistaan Hakimullah Mehsud sida uu xaqiijiyey Afhayeen u hadlay Ururka Dhaalibaan Pakistan.

Dowlada Mareykanka ayaa weeraro kala duwan ka geysta wadamada Pakistan,Yemen,iyo Soomaaliya balse waxaa weerarka lagu dilay Hakimullah Mehsud uu dhabar jab ku yahay kulamadii u socday dowlada Pakistaan iyo Ururka Dhaalibaan Pakistan.

Dowlada Mareykanka ayaa ku guuleystay in ay khaarijiso mar labaad hogaanka dhaalibaan Pakistan Hakimullah Mehsud iyada oo horey u khaarajisay Baytulaahi Maxsuud.

Dowlada Pakistan ayaan wili ka hadal weerarka lagu dilay Hakimullah Mehsud hogaankii dhaalibaan Pakistan halka uu Mareykanku ku faanay dilkiisa.

C/Casiis Maxamed
Halgan.net