.gif)
Ciidanka Maamulka KMG ee Jubba oo qarax lagu weeraray magaalada Kismaayo
November 25, 2013 - Written by Editor
Kismaayo:-Waxaa galabta uu qarax ka dhacay magaalada Kismaayo ee xarunta gobalka J/hoose waxaana qaraxa lala beegsaday gaari ay wateen ciidanka Maamulka KMG ee Juba waxaana qaraxa uu geystay khasaaro.
Qaraxa ayaa waxaa uu ka dhacay xaafadda Guulwade, waxaana qaraxa uu ahaa nooca miinada dhulka lagu aaso waxaana ku dhaawacmay 4 qof oo laba ka mid ah ay ahaayeen ciidanka Maamulka KMG ee Juba.
Qaraxa kadib ayaa waxaa goobta soo gaaray ciidamo ka tirsan Maamulka Jubba iyaga oo howlgalo ka bilaabay xaafada Guulwade ilaa haatana lama soo sheegin cid loo soo qabtay in uu ka danbeeyey weerarka.
Gaariga ay wateen ciidanka Maamulka KMG ee Jubba ayaa sidoo kale waxaa gaaray Khasaaro mana jiraan cid ku dhimatay qaraxa ka dhacay magaalada Kismaayo.
Cabdi Yare
Kismaayo
