Safiirka dowladda Imaaraadka Carabta u fadhiya Soomaaliya oo tegay Kismaayo

Kismaayo:-Waxaa saaka gaaray magaalada Kismaayo ee xarunta gobolka Jubada Hoose wafdi uu hoggaaminayo safiirka dowladda Imaaraadka Carabta u fadhiya dalka Soomaaliya, Mohamed Ahmed Othman. Wafdiga  Safiirka UAE  ayaa markii ay soo gaareen magaalada Kismaayo waxaa si weyn ugu so dhaweeyey madaxda maamulka Jubba  waxaan uu kulamo gaar gaar ah la qaatay madaxda maamulka KMG ee Jubba gaar ahaan Madaxweynaha maamulka Jubba Axmed Maxamed Islaam (Axmed Madoobe) iyo mas’uuliyiin ka tirsan maamulka Jubba.

Ilaa hadda ma cadda u jeedka socdaalka  Safiirka UAE  Mohamed Ahmed Othman iyo wafdgiisu ay ku tageen magaalada Kismaayo balse warar soo baxaya ayaa sheegay in safirka uu doonayo in uu ka caawiyo maamulka Jubba arrimaha ku saabsan dhinac horumarinta kaabayaasha dhaqaalaha iyo tababarka ciidanka.

Kulan ay si gaar ah u wada yeesheen Madaxweynaha maamula Jubba Axmed Madoobe iyo  safiirka dowladda Imaaraadka Carabta u fadhiya Soomaaliya, Mohamed Ahmed Othman  ayaa saxaafadda  dibada ka joogtay  waxaan uu kulanku ka dhacay xarunta madaxtooyada ee maamulka Jubba ee magaalada Kismaayo.

Booqashada safiirka dowladda Imaaraadka Carabta u fadhiya Soomaaliya, Mohamed Ahmed Othman uu ku tegay magaalada Kismaayo ayaa ku soo beegmaysa xili maalin ka hor socdaal ay ku tegtay Kismaayo  Wafdi ay hoggaamineyso wakiilka gaarka ah ee Qaramada Midoobay u qaabilsan la dagaallanka askareynta carruurta, Leila Zerrougui.

A/cawaale
Halgan.net