Dagaal iyo duqayn saaka ka dhacay degmada Hodan ee magaalada Muqdisho

Muqdisho:Dagaalo ayaa saaka ka dhacay magaalada Muqdisho ee caasimada dalka Soomaaliya dagaalka ayaa waxaa uu u dhexeeyaa ciidanka DFKM oo ay taageera yaan kuwa AMISOM iyo xoogagga Al-shabaab.

Dagaalada ayaa waxa uu xooggiisa ka dhacay degmada Hodan waxaan 2 ciidan ay isku adeegsadeen hubka waaweyn ito kan culus,Ciidanka AMISOM ayaa waxaa ay madaafiic ku garaaceen qaybo ka mid ah xaafadaha Muqdisho waxaa dhawaqa madaafiicda ay ridayeen ciidanka AMISOM laga maqlayey xaafado ka baxsan kuwa dagaalka uu ka socdo.

Ilaa 3 qof ayaa ku dhintay dagaalka saaka waxaan ku dhaawacmay tiro kale oo aan ilaa hadda si rasmi ah loo shaacin,magaalada Muqdisho ayaa waxaa ka dhaca dagaalo inta badan ay khasaaraha ugu badan ay soo gaaraan dadka fara ku tiriska ah ee rayid ka ah ee ku haray xaafadaha Muqdisho.

 Magaalada Muqdisho ee caasimada dalka Soomaaliya ayaa waxaa ka socda abaabul xooggan oo ay wadaan xoogagga Al-shabaab iyo ciidanka DFKM iyadoo laga cabsi qabo in dagaalo waaweyn ay ka dhacaan magaalada Muqdisho maalmaha nagu soo aadan.

A/Cawaale
Halgan.net