Madaxweynaha DGPL Dr.Gaas oo kulan la qaatay Madaxa Xafiiska UNFPA ee Puntland.[Masawiro]

Garoowe:-Madaxwaynaha Dowladda Puntland Dr.Cabdiwali Maxamed Cali Gaas ayaa Maanta aqalka Madaxtooyada Puntland ee Garoowe kullan kula qaatay Madaxa Xafiiska UNFPA  ee Puntland Mr Bakhtior Kadirov  Qamar iyo Mrs Baxsan Axmed Siciid oo ah Madaxa Jinsiyada iyo Dhalinyarada ee Hay’adda UNFPA.Kulankaan ayaa waxaa Madaxwaynaha Dowladda Puntland Mudane Cabdiwali Maxamed Cali Gaas ku wehliyay Wasiirka Wasaarada Qorshaynta iyo Xiriirka Caalamiga ah iyo Saraakil katirsan Madaxtooyada Dowladda Puntland.

Mudadii uu socday shirka ayaa waxaa looga hadlay qodobo ay kamid ahaayen Dar Dar galinta Mashruuca Tirakoobka Puntland,Isbitaalka Garoowe oo dhawaan laga furayo qaybta dhalmada iyadoo loo samaynayo olole looga hortagayo Dhimashada Hooyooyinka Umul Raaca. Hay’adda UNFPA ayaa siweyn uga qayb qaadatay Horumarinta Dhalinyarada Puntland,iyadoona gacan weyn ka gaysatay Ciyaarihii Gobolada Puntland ee Dhawaan ka qabsoomay Magaalo Madaxda Puntland Garoowe.

no images were found

-DHAMMAAD-

Xafiiska Warfaafinta,Wacyigalinta
Hiddaha Iyo Dhaqanka ee Madaxtooyada Puntland.