Dagaalka maanta ka dhacay magaalada Garbahaareey ee Xarunta gobolka Gedo

Garbahaareey:-Waxaa saaka ka qarxay duleedka Magaalada Garbahaareey ee Xarunta gobolka Gedo dagaal u dhexeeya ciidamo sheegay in ay raacsan yihiin DFKM iyo ciidanka Al-shabaab , dagaalka ayaa bilowday ka dib marki ciidamo ka tirsan ururka Al-shabaab ay dagaal 4 geeseed ah ku soo qaadeen magalada Garbahaareey oo maalmo ka hor ay la wareegeen ciidamo taabacsan DFKM.

Dagaalka oo weli socda ayaa ah mid culus waxaan uu geystay khasaaro iskugu jira dhimasho iyo dhaawac soo kala gaaray 2 dhinac ee uu dagaalku u dhexeeyo ilaa 10 qof oo ka tirsan dhinacyadii dagaalamay ayaa ku dhintay dagaalka waxaan ku dhaawacmay 20 qof in ka badan.

Dagaalka xooggiisa ayaa waxaa uu ka socdaa gudaha magaalada iyadoo ay u suurto gashay ciidanka Al-shabaab in ay soo jiiraan difaacii hore ee magaalada Garnahaaray ee ciidanka DFKM iyadoo dagaalka hadda uu ka socdo xaafadaha magaalada.

Warar iska horimaanaya ayaa waxaa ay ka soo baxayaan cid gacanta ku haysa magaalada Garbahaareey iyadoo wararkaas ay sheegayaan in ciidanka ururka Al-shabaab ay xaafado ka mid ah magaalada qabsadeen halka wararka kalena ay arrinkaas beeninayaan , saacadaha soo socda ayaa waxaa si rasmi ah loo ogaan doonaa cid gacanta ku haysa magaalada.

A/cawaale
Halgan.net