Abbooyoow odaygii ٍٍٍShiinaha dhalay awliyo miyuu ahaa?W/Q Sh Axmed C / samed

Soomaalida dhexdeeda markii muddo la joogaba waxbaa suuq iyo xiiso yeesha. Waxaynu joognay marxalad jabhado hubaysani suuq leeyihiin oo mid walba magaca Soomaali xambaarsantahay ama la oran karo waa marxaladii SS-ta, qabiilkii aan SS lahayna uu la mid yahay mid aan jirin.

Waxaa kale oo jirtey marxalad qabqable hubaysan oo an qabiil ka amarqaadan suuq leeyahay, in kastoo uu magaca reerka ku qaraabto, marxaladdaasna qabiilkii aan qabqable haysan wax qaybsiga wuu ka harayey.

Marxalad kale waxaa suuq fiican yeeshay dowlad goboleedyo xambaarsan magaca Land ama State iwm, waana marxaladda aynu hadda joogno oo wali rag badan ama qabiilooyin kala duwan ay LAND samaysi ka fakarayaan.

Laakiin waxaa jirtay marxalad hore oo qabiil walba ay dheheen awowgii aan kasoo farcanay wali buu ahaa oo Sheekh hebel ama xaaji hebel baa la dhihi jirey, inuu wali ahaana waxaa daliil u ah farabadnida dadka ka farcamay!.

Xilligaas Sh. C/qaadir Nuur Faarax oo akhriyaya Saxiix Al-bukhaari gaar ahaan Kitaab Al-towxiid ayaa ka hadlay awliyanimadaan qabiilooyinku ku daateen iyo waxyaabaha ay u daliishanayaan awliyanimada awowgood, wuxuuna xusay daliisha farac badnida, ka dibna wuxuu yiri: haddii ninkii dad badani ka farcamayba uu wali noqonayo Abbooyoow kii Shiinaha dhalayna muxuu noqonayaa!.W/Q Sheekh Axmed Cabdi Samed
Halgan.net