Ardayda Kuliyada Maamulka Iyo Maaraynta Buuhoodle oo Qado sharaf sameeyey.[Masawiro]

Buuhoodle:-Ardayda Kuliyada Maamulka Iyo Maaraynta {BBA}  ee Jaamacadda Bariga Afrika ee Buuhoodle ayaa qado sharaf waxaa ay u sameeyeen Maamulka Iyo Macalimiinta  Kuliyadooda ka dib markii uu soo gabagaboobay Imtixaankii Semester-ka koowaad.

Xaflada  qado sharafta ayaa waxaa lagu qabtay Hotelka Gobsoor ee Magaalada Buuhoodle ee xarunta Gobolka Cayn Waxaana Intaasi ka dib  kulan gaar ah uu dhex maray Ardayda iyo Macalimiinta  kuliyada Maamulka Iyo Maaraynta  waxaana kulankaas ka soo qayb galay.

1. Prof Cabdishaafi Axmed Cali, Gudoomiyaha Jaamacadda Bariga Afrika Qaybteeda Magaalada Buuhoodle.
2. Prof.Cadnaan Axmed Maxamed. Hormuudka kuliyadda maamulka iyo maaraynta (BBA).
3. Prof.Cabdisalaan Xasan Cabdi Boodhle,  bare ka tirsan kuliyadda (BBA).
4. Eng/ yaasiin Xuseen Maxamuud,  hormuudka kuliyadda computer Science .

Gudiga ardayda kuliyadda maamulka (BBA)  oo kala ah :-

1- Axmed Faarax Nuure
2- Mustafe Cabdifataax Maxamed
3- Huruuse Maxamuud Barre
4- Amed Boos Ibraahin
5- Cabdiqaadir Cabdi Maxamed
6- Zakariye Cabdicasiis Ismaaciil garaad soofe.
7- Khaalid Sh.mubaarik Sh.Xuseen sugulle.

Gudiga ayaa uguhorayn soo gudbiyey qoraal ay ugu mahadcelinayaan macalimiinta iyo maamulka jaamacadda wuxuuna u qornaa sidan:-

STUDENTS    FACULT OF B.B.A
Uj: Waxqabad iyo  mahadnaq
Maanta  oo ay  taariikdhu  tahay  13/01/2014   waxaa  noo soo gabagaboobay  imtixaankii semestarkii koowaad. Hadaanu nahay  ardayda jaamacad bariga  gaar ahaan facultiga BBA & Economic.  Waxaanu halkan mahad balaadhan  oo aan la soo koobi  karayn u soo jeedinynaa  gudoonka jaamacada iyo  macaliimtayada  sida  fiican ee  tayada leh ee  wax noo baray.

no images were found

Macalimiin taas   oo hadh  iyo habeenba u tagnaa siddii  ay heerkayga waxbarasho kor ugu qaadi lahaayeen iyaga oo ku dadaalay  sidii ay noo fahansiin laheeyeen casharada kuna guulaystay  arintaas. Macalimiintaas oo aan  marnaba ka bixi doonin  xusuustayada .Sidaas  daraadeed  hadaanu  nahay ardayda jaamaca bariga Africa qaybteeda b.b.a waxaan halkan ku balan qaadaynaa in aanu cilmigii ay nabareen  macalimiintayadu gaadhsiin doono bulshada ku nool gobolka Cayn.

Wax qabadka aan doonayno in aanu qabano waxaa ka mid ah:

1.Inaanu wacyigelin  ku samayn doono  qaybaha kala duwan ee bulshada.
2. Inaanu ardayda dugsiyada  u qabano tartano si,aanu aqoontooda kor ugu qaadno.
3. Inaanu samayno  ururo  u, adeega  hor marinta  waxbarshada gobolka.
4. Inaanu   samayno cilmi baadhisyo ku saabsan  xaaladaha kala  duwan ee ka jira deegaan sidii aanu horeba usoo saarnay   labadii buug ee ka hadlayey.
5. Ardayda ka tagaysa waxbarshada iyo sidii arintaas xal loogu helilahaa.
6.  Buugii ka hadlay  biyaha  deegaan.

Waxaanu  kale oo hadda  gacanta ku haynaa  labo buug oo ka hadlaya:-
1.    Faaii,dada dhirtu inoo leedahay iyo sidii looga hortigalahaa xaalufinta dhirta.
2.   Buug ka hadlaya nolosha Iyo bugaag kale

Waxaanu marlabaad  u mahad naqaynaa  macalimiintayada iyo gudoomiyaha  jaamacadda Allaa mahad leh.
Intaasi ka dib ayaa waxaa hadalka qaatay Prof.Cabdi salaan Xasan Boodhle oo dardaaran aad u balaadhan usoo jeediyey ardayda. Ugu danbayntii waxaa munaasabadda soo afmeeray gudoomiyaha jaamacadda buuhoodle Prof. Cabdishaafi Axmed Cali oo umahadceliyey ardayda soo diyaarisay munaasabadan sharafta leh iyo macalimiinta aqoonta  jeclaysiiyey ardaydan soona dhiirigeliyey.

Sikastaba ha ahaatee imtixaanka ayaa saaka si habsami leh ugu soo gabagaboobey ardaydan, munaasabaddan farxadda ahna waxay ugu dhacday hab ka quruxbadan sidii ardaydu ugu talo gashay.Jaamacadda bariga afrika ayaa ah xarun aqooneed oo aad looga qadariyo giyiga soomaaliya oo dhan.

Halgan.net
Buuhoodle