Dagaal xalay ka dhacay Degmada Mahadaay ee gobolka Shabeellaha Dhexe

Mahadaay:-Wararka naga soo gaaraya gobolka Shabeellaha Dhexe ayaa sheegay in xalay dagaal culus uu ka dhacay gudaha degmada Mahaddaay ka dib markii ay weerar lama filaan ku qaadeen ciidamada Al-Shabaab xarumaha ciidanka DFS ee Degmada Mahadaay iyo deegaanka Buurane oo 25 KM Waqooyi kaga began degmada Jowhar  waxaana ay gudaha u galeen Al-Shabaab Degmada Mahadaay .

Wararka ayaa intaa ku daraya in ciidanka Al-Shabaab ay gubeen gaari booyad ah oo ay lahaayeen ciidanka DFS ayna qaabsadeen laba gaari oo mid ka mid ah uuu leeyahay gudoomiyaha Degmada Mahadaay .

Khasaaraha soo gaaray ciidanka DFS ayaan ilaa hatan la shaacin balse waxaa jira dad rayid ah oo ku dhaawacmay rasaas ugu tagtay guryahood xiligii uu dagaalka socday.

Ciidamada Al-Shabaab ayaa isaga baxay saaka aroortii Degmada Mahadaay waxayna laba gaari oo ay qabsadeen la aadeen deegaanka Ceelbaraf.Ilaa haatan ma jiraan saraakiil ka tirsan DFS oo ka hadlay dagaaladii xalay  ka dhacay Degmada Mahadaay iyo deegaanka Buurane

Ciidamada AMISOM ayaan xalay u soo gurman ciidanka DFS ee ku sugnaa Degmada Mahadaay waxayna ciidanka AMISOM fariisin ku leeyihiin meel u jirta Degmada Mahadaay 7 KM.

A/Cawale
Halgan.net