Dagaalo wili ka dhex socda kooxaha Suuriya iyo Bayaan ay culumo soo saareen (Akhriso)

Suuriya:-Dagaalada u dhexeeya Ururka dowladda Ciraaq iyo Shaam iyo kooxaha kacdoonka ee dalka Suuriya ayaa cirka isku shareeray waxaana uu dagaalkii ku fiday deegaano kala duwan sidda Riqa,Idlib,xalab,Xims,waxaana ku dhintay dad aad u badan. Dagaalka  ka dhex aloosan Ururada kacdoonka ka wada Suuriya  ayaa waxaa uu dhabar jab ku yahay dibna u dhigayaa riditaanka dowladda Nuseyriga ee Bashaar Asad iyo Xisbiga Shiicada ee Xisbul Al-Sheydaan .

Waxaa wax laga naxo ah dhiiga muslimiinta ee sidda xaqdarada ah ku daadanaya xili ay diyaaradaha Bashaar Asad ay duqeyn xoogan ku hayaan deegaanada laga saaray. Xadgudubka kooxda Dowladda Islaamiga ee Ciraaq iyo Shaam ayaa gaaray heerkii ugu sareeyey iyaga oo laayey  madax ka tirsan kooxaha kacdoonka ee dagaalka kula jira dowlada Suuriya sida Jabahada Al-Nusra, Jabah Islaamiya ,Axraar Shaam waxaana ay gawaari laga soo buuxiyey walxa qarxa ku weerareen xarumaha Jabhada Al-Nusra ee deegaanka Idlib iyo xarumo ay leeyihiin Axraar Al-Shaam iyo Jabaha Islaamiya.

Waxaa iyadana wax laga naxo ah in la laayo ciidamo ka tirsan Dowladda Ciraaq iyo Shaam iyo rag muhaajiriin ah oo u yimid Suuriya in ay ka Jihaadaan. Dagaalada ka socota dalka Suuriya ayaa waxaa ka digay Amiirka Jabhada Al-Nusra Abu Maxamed Al-Jowlaani waxaana uu baaqay dhamaan ciidamada kooxaha kala duwan in ay alle ka baqaan oo ay sharciga alle lagu kala baxo lana joojiyo xadgudubka cidii diidana meel looga soo wada jeesto.

Ururka Dowlada Islaamiga ee Ciraaq iyo Shaam ayaa dhagaha ka fureystay talooyinkii uu soo jeediyey hogaamiyaha Ururka Al-Qaacida Dr.Ayman Al-Dawaahiri . Warbaahinta reer galbeedka iyo kuwa taageersan kooxaha kacdoonka Suuriya ayaa qolo walba waxay soo gudbineysaa Masawiro iyo Muuqaalo qolo walba sheeganeyso in qolo ku soo biirtay ama ay xarumo qabsadeen.

Dhanka kale Culumo gaareysa ilaa 41 caalim ayaa Bayaan ka soo saaray xaalada murugeysay iyo dagaalada u dhexeeya kooxaha kacdoonka ka wada dalka Suuriya waxaana ay culumada kooxaha u soo jeediyeen talooyin miro dhal ah.

Culumada ayaa ka digtay kooxo raba in ay dhantaalaan midnimada kooxaha Kacdoonka iyaga oo fursad siinaya dowladdaha reer Galbeedka iyo Bashaar Asad waxaana ay sidoo kale ka digeen gaaleysiinta iyo dhiiga muslimiinta iyo in qolo kaliya sheegato in ay kaligeed talada maroorsato.

Halkan ka Eeg Bayaanka Culumada ay ka soo saareen dagaalada u dhexeeya kooxaha ka jira dalka Suuriya

W/Q Cabdifitaax Macalin Cali
Yemen