Hay’adda wanaag-farista iyo xumo reebista oo shaqooyin dacwadeed si dar-dar leh uga wadda magaalada Laascaanood.

Laascaanood:-Hay’adda wanaag-farista iyo xumo reebista ayaa si dar-dar leh shaqooyin dacwadeed oo balaadhan uga wadda guud ahaanba Gobolka Sool gaar ahaana magaalada lascanod. Hay’adda oo muddo kooban ka jirtey magaalada ayaa wadda shaqooyin dacwadeed oo ay ka mid yihiin : jeedinta muxaadarooyin lagu dawaynayo waxyaabaha xun-xun ee bulshada haysta sida: maandooriyaasha oo uu ugu horeeyo qaadku,heesaha,sinada,salaad la’aanta,risiqa xaraanta ah IWM.

Sidoo kale waxay hay’addu wadaa dadaalo ay ka mid yihiin ka qaybqaadashada heshiisiinta beelaha,iyadoo ay ugu dambaysay heshiisiin laba beelood oo walaalo ah taas oo ka dhacday deegaanka Oog oo ay ka qaybgaleen culimo ay ka mid yihiin Sh.Axmed Maxamed Sulaymaan Sh.Aadan Weli Cabdi Xuseen , Sh.Maxamuud Salaad, Sheekh Yuusuf Haybe Ibraahim, Sheekh. Cali Dheere iyo Sh Siciid Muuse X Nuur.

no images were found

Ugu dambayn Guddiga hay’adda wanaag-farista iyo xumo reebista Gobolka Sool waxay ka codsanayaan bulshada ku dhaqan gobolka inay la shaqeeyaan hay’adda isla markaana ay garab istaagaan shacab iyo maamulba.

Hay’adda wanaag-farista iyo xumo reebista
Halgan.net, Laascaanood