.gif)
Kolonyo ka Tirsan Ciidamada AMISOM oo Nin Taksiile ah ku jiiray wadada KM4
January 28, 2014 - Written by Editor
Muqdisho:-Wararka naga soo gaaraya magaalada Muqdisho ayaa sheegaya in mid kamid ah gawaarida gaashaaman ee Ciidamada AMISOM uu saaka jiiray qof rayid ah;waxaana uu shilka uu ka dhacay waddada dheer ee KM4.
Qofka Rayidka ah oo ay jiireen gawaarida Ciidamada AMISOM ayaa ahaa Nin taksiile ah waxaana ku dhintay isla goobta .Dadweyne badan oo aad u careysan ayaa dibad bax ka dhigay wadada KM4 iyaga oo sheegay in ay ciidamada AMISOM dhaqan ka dhigteen in gawaarida rayidka ah jiiraan iyaga oo ka baqaya in Weerar is qarxin ah lagu weeraro.
Ciidamo ka tirsan kuwa DFS ayaa markii danbe soo gaaray halka uu shilka ka dhacay waxaana ay wadada ka leexiyeen dhagxaan ay dhigeen dadweyne ka careysan ciidamada AMISOM .
Barta Twitterka ay ku leeyihiin ciidamada AMISOM ayaa waxaa la soo dhigay qoraal raali galin ah oo ay ciidanka AMISOM ka bixinayaan shilka ka dhacay wadada KM4.
Wakiilka Midowga Afrika ee Soomaaliya Danjiro Anadif ayaa waxaa uu sheegay in ay aad uga xun yihiin shilka ka dhacay KM4 oo uu ku dhintay nin Takxiile ah waxaana uu sheegay in ay baaritaan arinkaas lagu sameyn doono iyaga oo kaashanaya ciidanka DFS.
A/Cawale
Halgan.net
