Madaxii Hay’adda NRO oo caawa dhagarqabayaal ay ku dileen Gaalkacyo

Gaalkacyo:-Allaha u naxaristee waxaa caawa lagu dilay magaalada Gaalakcayo ee xarunta gobolka Mudug Madaxii Hay’adda NRO Cabdi Maxamed Aadan (Cabdi dheere), oo ay dileen koox hubaysan xili uu ku sugnaa Xaafadda Garsoor gaar ahaan inta u dhexeysa Hotel Cagaar wayne & Warshad Galay.

Allaha u naraxiistee Marxuun Cabdi Maxamed aayaa waxaa uuu madax ka ahaa hay’adda NRO oo ahayd hay’adda Maxali ah oo ka shaqaysa arrimaha waxbarshada iyo daryeelka dadka. Marxuun Cabdi Maxamed Aadan  ayaa waxa hanjabaadyo kale duwan oo dhinac Taleefanka ah ay uga yimaadeen kooxaha dila haldoorka magaalada Gaalakacyo iyagoo ugu goodiyey dhowr jeer in ay dilayaan balse marxuunku isagu wuxuu ahaa shaqsi caadi ah oo hal abuur badan kana shaqaysta hay’addiisa isagoo arrimo muhiim ah ka fuliyey inta u dhexeysa degmada Jariiban iyo Galdogob.

Kooxda dilka u geystay Allaha u naxariistee marxuun Cabdi Maxamed Aadan ayaa waxaa ay ka koobnaayeen ilaa 5 ruux o ku hubaysan iyagoo markii ay dilka u geysteen marxuunka goobta ka baxsadeen. Dilka caawa loogu geystay magaalada Gaalkacyo Madaxii Hay’adda NRO marxuun Cabdi Maxamed Aadan.(Cabdi dheere),ayaa waxaa uu ku soo beegmayaa xili saaka Wasiirka amniga ee Puntland iyo Saraakiisha ciidanka daraawiishata ee Puntland ay warbaahinta u sheegeen in ay weerar ku qaadeen fariisimo ay ciidanka Al-shabaab ka samaysteen Buuraha Golis.

Ma jirto ilaa hadda wax war ah oo ka soo baxay laamaha ciidanka amniga ee magaalada Gaalkacyo oo ku saabsan dilka marxuun Cabdi Maxamed Aadan (Cabdi dheere)iyo cid sheegtay falkaan foosha xun.

M_M_Deeq
Halgan.net