Madaxweyne ku xigeenka Puntland oo caawa ku sugan magaalada Gaalkacyo

Gaalkacyo:-Waxaa maanta gaaray  magaalada Gaalkacyo ee Xarunta gobolka Mudug Madaxweyne ku Xigeenka dawlada Puntland Cabdixakiin Cumar Camay waxaana halkaas ku soo dhaweeyey gudoomiyaha gobalka Mudug ,Duqa magaalada Gaalkacyo ,Isimada gobalka Mudug iyo dadweyne tiro badan.

Gudoomiyaha Gobalka Mudug Maxamed Yusuf Jaamac ”Tigey” ayaa sheegay in Madaxweyne ku xigeenka Puntland  ay  si weyn u soo dhaweynayaan uuna birito ku soo jeedo Kismaayo.

Madaxweyne ku xigeenka Puntland ayaa waxaa socdaalkiisa ku weheliyey xildhibaano ka tirsan golaha wakiilada Puntland waxaana uu caawa u hoyday magaalada Gaalkacyo iyada oo la filayo maalinta birito ah magaalada Kismaayo ee xarunta gobalka J/hoose.

Madaxweyne ku xigeenka Puntland  Cabdixakiin Cumar Camay ayaa khudbad kooban u jeediyey dadweynihii soo dhaweeyey waxaana uu uga mahad celiyey dhamaan Masuuliintii iyo shacabkii soo dhaweeyey waxaana uu ugu baaqay midnimo iyo wata tashi.

A/Cawale
Halgan.net