Sh Cumar Al-Xaduush oo baaq u diray kooxaha ku dagaalamaya Suuriya(Daawo)

Suuriya:-Xili ay wili socdaan dagaalada Fitanka ah ee ka dhexsocda kooxaha dalka Suuriya ayaa waxaa isa soo taraya baaqyada iyo talooyinka ay soo jeedinayaan culumada kala duwan ee Caalamka ku sugan iyaga oo ka digaya dhiiga muslimiinta iyo gaaleysiinta.

Sheekh عمر الحدوشي ayaa ka digay dhiiga muslimiinta iyo in lagu ciyaaro kacdoonka dalka Suuriya ay shacabka Suuriya ku bixiyeen naf iyo maal waxaana uu Sheekhu aad uga digay dilka xaqdarada ah iyo Gaaleysiinta culumada oo ay dhaqanka ka dhigteen kuwa aan la aqoon meel ay ka soo dhaceen.

Sheekh Cumar Al-Xaduush ayaa aad uga digay warbaahinta ka dhaqeynaysa fitnada oo gaaleysiinaya culumada iskuna diraya Muslimiinta..Sheekha ayaa sheegay in culumada badan la gaaleysiiyey uuna ka mid yahay Sheekh Muxadiska Sheekh Al-Xuweyni wuxuuna sheegay in kuwa gaaleysiinaya ay haatan yihiin kuwa ku jira Lajna Sharciga kooxaha dagaalamaya.

Sheekh Cumar Al-Xaduush ayaa ka mid ah culumada dalka Morocco waxaana kuwa qulaada ah ay ka qoreen qormooyin ay Sheekha ku durayaan ka dib markii uu talooyin u soo jeediyey kooxaha dalka Suuriya.

Hoos Ka Daawo Baaqa Sheekh Cumar Al-Xaduush uu u diray Kooxaha dalka Suuriya

A/Cawale
Halgan.net