Sh.Maxamed Haybe Geele oo lagu dhaawacay magaalada Hargeysa

Hargeysa:-Sheekh.Maxamed Haybe Geele oo ka tirsan culimada caanka ka ah ee ku nool magaalada hargaysa ayaa xalay dhaawac loogu geystay xili uu muxaadaro diini ah ka jeedi nayo Khayriyadii hore ee magaalada Hargeysa horteeda.

Sheekh Maxamed Haybe Geele ayaa  saacadu markii ay ahayd 6.00 fiidnimo  waqtiga Soomaaliya xili uu jeedinayey muxaadaro diini ah waxaa mindi uu ku weeraray nin gacan ku dhiigle ah oo Sheekh.Maxamed Haybe Geele  dhaawac ka gaarsiiyey garabka bidix ilaa labo meelood iyo Suulka isagoo ku guulaystay in uu baxsado.

Taliye Kuxigeenka Ciidanka Booliska Somaliland Sareeya Guuto Cabdiraxmaan Liibaan Axmed (Fooxle) oo la hadlay saxaafada caawa ayaa sheegay in ninkii toorriyeeyey Sh.Maxamed Haybe oo ka mid ahaa Culimada wanaag Fasita iyo Xumaan reebista ee Magaalada Hargeysa ay ciidanku soo qabteen.

Gacan ku dhiiglaha ayaa lagu magacaabaa Maxamuud Maxamed Cali waxaan uu hadda ku xiran Saldhiga Booliska ee magaalada Hargeysa waxaan hadda su’aalo weydiinaya ciidanka amaanka ee magaalada Hargeysa. Ninkaan ayaa dhowr jeer oo hore  waxaa xiray ciidanka Booliska una xiray arrimo ku saabsan dhinaca diinta.

Wixii Faahfaahin ah ee ka soo kordha  dib ayaan idinkag soo gudbinaynaa haddii Alle idmo

M_M_Deeq
Halgan.net