Wufuud ka qeyb galeysa Caleemo saarka Madaxweyne Gaas oo soo gaaray Garoowe

Garoowe:-Wafdi uu horkacayo Madaxweynaha Maamulka Ximan iyo Xeeb C/laahi Cali Maxamed (Baarleex) ayaa soo gaaray magaalada Garoowe si uu uga qeyb galo xaflada maalinta birito ah lagu caleemo saarayo madaxweynaha cusub ee Puntland Dr.Cabdiweli Maxamed Cali Gaas waxaana Madaxweynaha socdaalkiisa ku weheliya madax ka tirsan Maamulka Ximan iyo Xeeb.

Dhanka kale wasiiro ka tirsan Maamulka Galmudug ayaa sidoo kale u baqoolay magaalada Garoowe ee xarunta Puntland si ay uga qeyb galaan xaflada caleema saaraka Madaxweyna Cusub ee Puntland waxaana arinkaas warbaahinta u xaqiijisay Saynab Cismaan Xasan oo ah ku xigeenka wasiirada haweenka iyo arrimaha qoyska ee maamulka Galmudug

Saynab Cismaan Xasan ayaa sheegtay in ay aad ugu faraxsan tahay casumaada ay ka heleen Puntland waxaana ay sheegtay inuu hordeed u yahay kalsooni iyo iskaashi dhexmara labada maamul ee walaalaha ah.

Sidoo kale waxaa soo gaaray magaalada Garoowe wafdi ka socda dowlada Jabuuti waxaana ku soo dhaweeyey garoonka Diyaaradaha ee Garoowe madax ka tirsan Puntland.

Waxaa sidoo kale la sugayaa wafdi uu hogaaminayo Raisulwasaarihii hore ee DFS Pro.Cali Maxamed Geedi iyo wufuud ka socota DFS  iyo wadamada Kenya ,Itoobiye ,Turkiya iyo Qadar .

M_M Deeq
Halgan.net