Dhageysiga khudbadaha Musharaxiinta oo maanta la soo Afmeeray

Waxaa maanta lagu soo afmeeray xarunta golaha shacabka ee JFS dhageysiga khudbadaha Musharaxiinta u tartamaya xilka Madaxweynaha Soomaaliya, waxaana maanta khudbeeeyey ilaa 9 Musharax oo mid walba uu soo gudbiyey waxqabadkiisa waxaana ay kala yihiin.

1.Cumar C/rashiid Cali Sharmaarke
2.Dr. Maxamuud Maxamed Culusow
3.Maxamed Axmed Jabarti
4.Maxamed C/laahi Maxamed (Farmaajo)
5.Maxamed Cali Nuur (Ameeriko)
6.Maxamuud Axmed Nuur (Tarsan)
7.Maxamed C/risaaq
8.Xaaji Maxamed yaasiin Ismaaciil
9.Axmed Maxamed Cabdi

Guddoomiyaha Golaha Baarlamaanka Federaalka Soomaaliya Prof Maxamed Sheekh Cismaan (Jawaari) ayaa sheegay in gabi ahaan la soo Afmeeray dhageysiga khudbadaha ay jeedinayeen Musharaxiinta u tartameysa xafiiska Madaxweynaha Soomaaliya, kuwaas oo dhamaa 23 Musharax.

Doorashada Madaxweynaha JFS ayaa waxaa la filayaa in ay ka dhacdo magaalada Muqdisho 8-da Febraayo oo ku aadan maalin Arbaca ah .

A/Cawale
Halgan.net