Faah faahin Qaraxa ka dhacay maqaaxida Coffee Italia ee magaalada Muqdisho

Muqdisho:-Warar dheeraad ah ayaa ka soo baxaya Qarax galabta ka dhacay Maqaaxi lagu magacaabo Italian Coffee ka soo horjeedka Shaneemo Soomaali ,qaraxa ayaa waxaa loo adeegsaday gaari laga soo buuxiyey walxaha qarxa. Qaraxa ayaa sababay dhimasho iyo dhaawac waxaana uu sidoo kale geystay bur bur xoogan oo soo gaaray goobta uu Qaraxa ka dhacay.

Inta la xaqiijiyay Qaraxan ayaa waxaa ku dhimatay 4 Qof, halka sidoo kalena ay ku dhaawacmeen tiro intaas ka badan sida ay warbaahinta u sheegeen dad ka badbaaday qaraxa. Gaadiidka Gar gaarka deg dega ah oo soo gaaray goobta uu Qaraxu ka dhacay ayaa waxaa uu gurmad u fidiyey dadweyne rayid ah oo ku dhaawacmay qaraxa.

Ciidanka ammaanka Dowladda Federaalka Soomaaliya ayaa waxaa ay gaareen goobta uu Qaraxa ka dhacay iyagoo xiray wadada Maka Al-Mukarama.

A/Cawale
Halgan.net