Jaamacadda bariga Afrika iyo horumarka ay ka samaysay dhanka Tiknooloojiyada cusub.[Masawiro/Video]

January 31, 2018 - Written by Editor

Boosaaso:-Galbnimadii isniinta 29/1/2018 ayey ku guulaysteen gudiga ardayda ee dhinaca IT-ga inay kiciyaan diyaarada nooca daroonis-ka ah oo qabanaysa adeegyo kala duwan oo ay ugu muhiimsan yihiin dhinaca qaadista filimida iyo muuqaalada iyo adeegyo kale. Diyaaradda oo jaamacadu sanadkaan ku soo kordhisay laababkii agabka tiknooloojiyada ee ardaydu ku tabobaran jireen, gaar ahaan ardayda barata information tecnology-ga iyo ingneering-ka IWM ayaa waxaa kale oo loo adeegsan doonaa qaybaha cilmi baarista iyo anshida kala duwan ee Jaamacadda, waxaan kale oo ka maqnayn in looga faaiideeyo guud ahaan bulshada Soomaaliyeed.

Si kastaba ha ahaatee Jaamacadda ayaa waxaa ka go’an in ay la jaanqaado horumarka Aadanuhu gaaray oo fududaynaya adeegyada nolosha si ay u soo saarto aqoonyahan maarayn kara caqabadaha umadda hortaagan.

Hoos ka Daawo Jaamacadda bariga Afrika iyo horumarka ay ka samaysay dhanka tiknooloojiyada cusub.