Madaxweyne ku xigeenka Puntland oo lagu soo dhaweeyey magaalada Brussels

Garoowe:-Madaxweyne Ku-xigeenka dowladda Puntland Mudane Ilyaas Cismaan Lugatoor iyo wefti uu hogaaminayo oo safar shaqo kusoo gaadhay Qaarada Yurub ayaa lagu soo dhoweeyey Garoonka Diyaaradaha ee magaalada Brussels ee xarunta Midowga Yurub.

Madaxweyne Ku-xiyeenka Dowladda Puntland waxa halkaas kusoo dhoweeyey Xildhibaan Cabdiqaadir, Wakiilka Puntland ee Midowga Yurub, Guddoomiyaha Jaaliyada iyo qaybaha kala duwan ee Jaaliyada Belgium.

“Waxaan Jaaliyadda Europe gaar ahaan reer Belgium uga mahadcelinaynaa sida wanaagsan ee ay noo soo dhoweeyeen, Insha’allaah waa kulmeynaa intaan idinla joogno waana is xogwareysanaynaa” ayuu yiri Madaxweyne Ku-xigeenka Dowladda Puntland.

Madaxweyne Ku-xigeenka waxaa safarka ku weheliyey Wasiirka Beeraha iyo Waraabka ee Dowladda Puntland iyo Wasiir Ku-xigeenka Qorshaynta Dowladda Puntland.

-DHAMMAAD-

-XAFIISKA WARFAAFINTA MADAXTOOYADA DOWLADDA PUNTLAND-