Taliya ku xigeenka Booliska Puntland oo gaaray degmada Xingalool

Xingalool:-Taliye ku xigeenka Booliiska dowladda Puntland S/guuto Caydiid Axmed Nuur ayaa kormeer ku tagay saldhiga degmada Xingalool, kormeerka waxaa ku wehelinayey wasiir ku xigeenka amniga dowladda Puntland Axmed Maxamud Axmed,amaanduulaha Ciidanka daraawiishta,Xuseen Faarax Aaden(Xuseen Dheere),gudoomiyaha gudiga amniga ee golaha barlamaanka Puntland Xasan Ducaale Cali dhagaxtuur,xildhibaano katirsan baarlamaanka iyo saraakiil kale.

Taliyaha ayaa warbixin kusaabsan xaalada saldhiga ka dhagaystay taliyaha saldhiga iyo saraakiisha ,wuxuuna kula dardaarmay iney laba jibaaraan shaqada ay bulshada u hayaan si loo xoojiyo amniga iyo hormarka bulshadda.

Sidoo kale taliyaha iyo masuuliyiinta kale ayaa kormeeray xerada ciidanka daraawishta ee degmada xingalool.

#FIIROGAARAH: Haddii aad heshid xog ku saabsan falal Amni daro ama aad arragtid wax aad ka tahay iyo wax walba oo la Xiriira dhaq-dhaqaaqa Amniga Puntland, isla markaana aad ku sugan tahay gudaha dalka.

Fadlan, La soo xiriir Ciidanka Booliska Puntland oo #Wac 999 haddii aad ka warbixinayso dembi socda ama haddii ku jirto khatar degdeg ah 24/7

– DHAMMAAD –

XAFIISKA WARFAAFINTA

CIIDANKA BOOLISKA PUNTLAND.