Howlgalo ka dhan ah kooxda Khawaarijta Daacish ayaa ka bilaawday buuraleyda gobolka Bari.

Boosaaso:-Ciidamada Hawlgalka Ciribtirka Argagixisada ee Puntland ee ku sugan deegaanka Dharjaalle ee Gobolka Bari, ayaa saaka fashiliyey isku dayga weerar argagixiso oo ay soo maleegeen Kooxda dhiigmiiratada Daacish, waxaana halkaasi Ciidanku ku dileen oo aysan cidi ka laaban dhammaan kooxdii weerarka soo qaaday oo u badan Ajaanib.

Geesiyaasha har iyo habeen u taagan Difaaca iyo in ay Argagixisada ka sifeeyan Puntland, ayaa soo bandhigay Ajaanibta weerarka lagu dilay oo ka badan 8xubnood, hubkoodii iyo jabka xooggaanna ee saaka lagaarsiiyey Argagixisada Daacish.

Ciidanka Ciribtirka Argagixisada ee Puntland, ayaa Intaasi kadib hore ugu ruqaansaday qorshaha howlgal Ciribtirka Agragixisada. Halkan ka daawo Bakhtiga Khawaarijta Daacish dagaalkii saaka lagu jabiyey

Halkan daawo Afhayeenka Hawlgalka Ciribtirka Argagixisada ee Puntland Gen. Maxamuud Maxamed Axmed (Faadhigo)

-DHAMMAAD-