Duqeymo cirka ah ay haatan ka socda Buuraleyda Calmiskaad

Qandala:-Wararka laga helayo caawa buuraleyda Calmiskaada ayaa sheegaya in duqeymo cirka ah ay haatan ka socdaan goobo ay ku dhuumaaleysanayaan kooxda Argagixisada ee Daacish ee ku sugan Calmiskaad.

Wararka ayaa intaa ku daraya in qaraxyo waaweyn laga maqlay degaano ku dhow goobihii galabta ay ku dagaalameen ciidanka Puntland iyo Maafiyada Daacish.

Dhanka kale, ciidamada Puntland ayaa difaac adag ka galay degaanada hoose ee laga soo dago buuraha Cal-Miskaad,gaar ahaan Taliska Dharin si ay uga hortagaan firxadka kooxaha argagixisada ah ee ka baxsanaya weerarada ciidamada Difaaca Puntland.

A/Cawale
Halgan.net