.gif)
Ra’iisulwasaarihii hore ee DFS Dr.Cumar Cabdirashiid oo soo gaaray Garoowe
January 1, 2014 - Written by Editor
Garoowe:-Ra’iisulwasaarihii hore ee DFS Dr.Cumar Cabdirashiid Cali Sharmaarke ayaa maanta soo gaaray magaalada Garoowe ee xarunta dowlada Puntland waxaana socdaalkiisa ku weheliyey saraakiil ka socda Ururka IGAD
Dr.Cumar Cabdirashiid Cali Sharmaarke ayaa si weyn waxaa u soo dhaweeyey masuuliin ka tirsan dowlada Puntland waxaana uu mar uu la hadlay saxaafada sheegay in uu Puntland ay tahay Hooyadii Soomaaliya uuna aad ugu faraxsan yahay in si nabad ah looga gudbay khilaafkii Madaxweyne Faroole iyo Musharaxiinta
Dr.Cumar Cabdirashiid Cali Sharmaarke ayaa sidoo kale mahad balaaran u jeediyey Isimada Puntland iyo xubnaha cusub ee golaha wakiilada Puntland.
Ra’iisulwasaarihii hore ee DFS Dr.Cumar Cabdirashiid Cali Sharmaarke ayaa wareysi kooban siiyey Puntlandtv waxaana uu sheegay in uu kulamo kala duwan la qaadan doono Madaxweynaha Puntland iyo Musharaxiinta.
Dr.Cumar Cabdirashiid Cali Sharmaarke Ra’iisulwasaarihii hore ee DFS ayaa sheegay in uu goobjoog ka ahaan doono doorashada ka dhacaysa Puntland 8-1-2014 wuxuuna ugu baaqay dhamaan shacabka Putland in ay ilaashadaan nabadgalyada ay heystaan isaga oo si gaar ah ugu mahad celiyey qeybaha kala duwan ee ciidamada Puntland sida ay u sugeen amaanka magaalada Garoowe.
M_M Deeq
Halgan.net
