Gabdhaha reer Damaam oo Kutub deeq ah gaarsiiyey Machadka Saylac ee Boorama.[Daawo]

Boorama:-Qaar ka mid ah haween muxsiniin Soomaaliya ayaa deeq Kitaab culuumta diinta islaamka ah soo gaadh siiyay Maktabadda Machadka Saylac ee Magaalada Boorama waxaana deeqdaas ka gudoomay ,gudoomiyaha maamulka Machadka Saylac iyo qaar ka mid ah culumada Reer Awdal.

Munaasabadaan ayaa ugu horeyn waxaa ka hadlay maamulaha guud ee Maktabada Iyo Machadka Saylac Sh.Xassan Kheyre Dirir waxa uuna ka warbixiyay deeqdan Kitaabta ah iyo halka ay ka timid isaga oo sheegay in ay deeqdaan kitaabta ah ee culuumta diiniga islaamka ay soo gaadhsiiyeen gabdho muxsiniin Soomaaliya oo degan magaalada Damaam ee dalka Sacuudi Arabiya.

Sheekha ayaa sidoo kale gabdhahaas alle uga baryay in Kitaabtaas ay la soo baxeen alle in miisaanka xasanaadka ugu daro waxa kale oo uu umada Soomaalida iyo islaamka ugu baaqay in ay ku daydaan haweenkaas kuna soo deeqaan Kitaab laga faa’iidaysto oo u noqoto sadaqa jaariya.

Sidoo kale waxaa iyagna hadalo mahadnaq ah u soo jeediyay haweenka Soomaaliyeed ee reer Damaam Sh.Xassan Daheeye Axmed, Sheekh Maxamed Yuusuf , Sheekh Maxamed Daahir Dhawal iyo Sheekh Maxamed Xaaji Abiibakar waxa ayna dhamaantood alle gabdha haas uga baryeen in kutubtaas ay soo direen in alle ajar iyo sadaqa joogta ah uga yeelo miisaanka xasanaadkana maalinta qiyaamaha alle ugu daro.

no images were found

Deeqdan kutubta ah ayaa wax weyn ka tari doonta Maktabadaan Saylac oo ay ardayda wax ka barata Machadka barashada Culuumta Diinta islaamka iyo luqada Carabiga ee Saylac ay meel u noqdaan oo ay baadhis cilmiyeed ka sameeyaan waxaana ay hablahani mudan yihiin ku dayasho wacan.

Hoos ka Daawo Hablo Muxsiniin ah oo deeq Kutub ah guddoonsiiyey Maktabada Saylah ee Boorame

Ururka badbaadada dhalinyarada
<badbaado04@hotmail.com>