Wada Hadaladii DFS iyo S/land oo ka furmaya magaalada Istanbul

Istanbul:-Wufuudi ka kala  socota dowladda federaalka Soomaaliya iyo Somaliland, ayaa waxa maanta uu shir uga bilaabanayaa magaalada Istanbul ee dalka Turkiga, waxaana shirkan uu yahay wajigii 4 aad ee wada hadallo u soo socday labada dhinac.

Wafdiga dowladda federaalka ayaa waxaa hoggaaminaya ku ximaha wasiirka arrimaha gudaha iyo amniga qaraanka, Cabdikariim Xuseen Guuleed, halka dhinaca Somaliland uu horkacayo wasiirka arrimaha dibadda Maxamed Biixi Yoonis.

Ajandaha shirka ayaan weli la soo bandhigin, balse waxaa lagu wadaa in gubta wadahadallada loo dhaadhaco, iyadoo labada dhinac ay ku kala adkeysanayaan mawaaqiftoodii hore ee midnimada iyo gooni isu taagga.

Wadahadallada labada dhinac ayaa soo bilowday sanadkii 2012kii, markaasoo London lagu kulmay, waxaana ka dambeeyey laba wareeg oo ka kala dhacay Imaaraadka carabta iyo Turkiga, iyadoo mar walba lagu heshiinayey in wadahadalladu sii socdaan.

Halgan.net