Madaxweynaha PL oo ka tacsiyeeyey geerida Ugaas Axmed Ugaas Maxamed Cali Geesood

Garoowe:-Madaxweynaha Dowladda Puntland Dr.C/wali  Maxamed Cali Gaas ayaa tacsi tiiraanyo leh u diray  Shacabweyna Puntland iyo Eheladii iyo Aqribadii uu ka dhintey  Ugaas Axmed Ugaas Maxamed Cali Geesood  oo maanta markii ay saacadu ahayd  11kii barqanimo ku dhintey Degmada Galdogob ee Gobalka Mudug

Ugaas Axmed Ugaas Maxamed Cali Geesood Alle ha u naxariistee  ayaa wuxuu ka mid ahaa Isimada soo jireenka ah ee Puntland iyo Aasaasayaashii Dowladda Puntland.ugaaska oo in mudaa ugu maqnaa dalka Pakistan xaalad  caafimaad owgeed ayaa wuxuu ku dhintey da’da 70 jir

Ugu Danbeyntii.

Madaxweynaha Dowladda Puntland ayaa mar labaad wuxuu uga tacsiyeeyey Ummada Soomaaliyeed  Shacabka Puntland iyo Eheladii uu ka dhintey  Ugaas Axmed Ugaas Mxamed Cali Geesood geerida naxdinta leh ee ku timid ugana baryey Ilaahey  Cafis iyo in uu  Jano Fardowso galiya Ugaas

Xafiiska Af-hayeenka Madaxtooyada Dowladda Puntland

Xafiiska Warfaafinta, Wacyigelinta, Hiddaha Iyo Dhaqanka Ee Madaxtooyada Puntland