Madaxweynaha DFKM Shariif Sheekh Axmed oo booqday xarumaha wasaaradaha ee Puntland

Garoowe:-Madaxweynaha DFKM Shariif Sh Axmed oo maanta gaaray magaalada Garoowe ee xarunta Dowlada Puntland ayaa socod ku soo dhexmaray magaalada garoowe waxaana uu socdaka ka soo bilaabay wadada laamiga ah ee ka timaada garoonka diyaaradaha waxaana la socday Raysalwasaaraha DFKM Dr.Cabdiweli Cali Gaas iyo Madaxweynaha Puntland Dr.Cabdiraxmaan Maxamed Maxamuud Faroole.

Ciidanka Amaank ee magaalada Garoowe iyo kuwa daraawiishta ayaa si weyn u sugan amaanka Shariif Sh Ahmed madaxweynaha DFKM ee maanta soo gaaray Garoowe.

Madaxweynaha DFKM ayaa socdaalkiisa ka soo bilaabay goobta Enjida waxaana uu ku tagey ilaa barxadda Garoowe waxaana uu booqasho ku tagay sidoo kale wasaaradaha Puntland

Madaxweynaha DFKM ayaa haatan ku sugan Isbitaalka guud ee magaalada Garoowe waxaana uu booqan doonaa sidoo kale xerooyinka ay ku sugan yihiin barakacayaasha.

wixii war ah ee soo kordha iyo Masawirada kala soco dhawaan Halgan.net

M_M Deeq
Halgan.net