.gif)
Ciidanka AMISOM oo Madaafiic ku garaacay deegaanka Siinka dheer ee duleedka Muqdisho
January 21, 2012 - Written byMuqdisho:-Wararka naga soo gaarayo magaalada Muqdisho ayaa sheegaya in ciidamada AMISOM ay madaafiic ku garaaceen deegaanka Siinka dheer ee duleedka Muqdisho, mid ka mid ah madaafiicda ayaa waxaa uu ku dhacay gaari kuwa raaxada ah waxaana gubtay gaari kaas oo ay cidna saarneyn.
Duqeynta ayaa waxaa ka danbeysay ka dib markii ay hoobiyaal ku weerareen ciidamada Al-shabaab ciidamada AMISOM ee shalay qabsaday deegaanka Jaamacada ,dadweynaha u kala goosha magaalada Muqdisho iyo afgooye ayaa waxaa soo wajahday cabsi ay ka qabaan in Madaafiicda iyo dagaalada u dhexeeya Al-Shabaab ,ciidanka DFKM iyo AMISOM ay la kulmaan.
Deegaannada loo barakacay ee duleedka Muqdisho ayaa waxaa gacanta ku haysa Ururka Al-shabaab waxaana ka socda dhaqdhaqaaq ciidan iyo diyaargarow kuwaas oo u diyaargaroobaya in ay dagaal dheer la galaan ciidamada DFKM iyo AMISOM.
A/Cawale
Halgan.net
