Diyaaradaha dalka Kenya oo Xasuuq kale ka geystay gobalka J/hoose

Kismaayo:-War uu caawa  na soo gaarsiiyey wariyaha Halgan.net ee magaalada Kismaayo ayaa sheegaya in diyaarado laga leeyahay dalka Kenya ay mar kale duqeyn ka geysteen galabta casarkii deegaano ka tirsan gobolka Jubbada Hoose gaar ahaan Degmada Buulo Xaaji waxaana Duqeynta waxshnimada ah ku shahiiday hooyo Subkan Cabdullaahi oo da’deena lagu qiyaasay 60- 65 jir.

Jawaasiista u shaqeeya dalka Kenya ayaa macluumaad khaldan siiya mar kasta waxaana diyaaradaha ay duqeeyeen meel 10 talaabo u jirta goob ay ciidamada Al-Shabaab ku sugnaayeen balse waxba ma gaarin.

Waxaa kale oo ku dhaawacmay duqeynta mid ka mid ah dadka degan Degmada Buulo Xaaji wariyaha Halgan.net ayaa waxaa ay dad goobjoog ah u sheegeen in ilaa 3 gantaal ay soo rideen diyaaradaha dalka Kenya balse rabi ayaa yareeyey xasuuqii ay rabeen ciidamada Kenya ee xaqdarada ku xasuuqaya shacabka Rayidka ah ee aan waxba galabsan.

Cabdi Yare
Kismaayo