Madaxweynaha Puntland oo xariga ka jaray ceelkii ugu horeeyay ee laga soo saarayo shidaalka Puntland(Daawo)

January 16, 2012 - Written by

Dharoor:-Madaxwaynaha Puntland Dr. C/raxmaan Sheekh Maxamed Faroole ayaa maanta xariga ka jaray ceelkii ugu horeeyay ee laga soo saarayo shidaalka Puntland kaas oo loogu magac daray (Shabeelle 1) waxaana laga qodayaa ee dooxada Dharoor ee gobalka Bari.

Munaasbad balaaran oo lagu qabtay Dooxada Dharoor ayaa waxaa ka qaybgalay wafdi uu hogaaminayo madaxwaynaha Puntland C/raxmaan Sheekh Maxamed Faroole ,wasiiro ka tirsan dowladda Puntland,saraakiil iyo iyo madax ka tirsan shirkadda African Oil.

Madaxwaynaha Puntland C/raxmaan Faroole oo khudbad ka jeediyey xaflada xarig looga jarayey ceelkii ugu horeeyay ee laga baarayo shidaalka Puntland (Shabeelle 1) ee Dooxada Dharoor ayaa waxaa uu sheegay,shidaalka laga soo saarayo deegaanada Puntland inuu horumar iyo muhiimad gaar ahaaneed u yahay shacabka reer Puntland iyo guud ahaan Soomaaliya
oo dhan.

Madaxwaynaha Puntland ayaa sheegay in Puntland aysan marna ka go,aynin Soomaaliya hadii Shidaal la helana ay wax ku leeyihiin shacabka Soomaaliyeed waxaa ka mid ahaa hadaladiisa “dooni mayno inaan Soomaliya ka go’no, shidaalkana waxaa wax ku yeelan doono guud ahaanba dadka Soomaaliyeed.

Madax ka tirsan shirkadda African Oil ee la filayo inay soo saarto shidaalka,ayaa sheegay inay ku soo saari doonaan shidaalka mudo 3 bilood ama 90 cisho gudahood waa sida uu hadalka u dhigaye wuxuuna rajo ka muujiyey in la soo saaro shidaal Dooxada Dharoor.

no images were found

Xaflada xariga looga jarayay ceelka shidaalka Puntland ee Shabeelle 1 ee Dooxada Dharoor ayaa waxaa goob joog ka ahaa madaxwaynihii hore ee Puntland Gen Cadde Muuse Xirsi.waxaana uu sheegay in uu aad ugu faraxsan yahay in saaka la bilaabo in shidaal laga baaro deegaanada Puntland.

Hoos ka Dhageyso Khudbadii Madaxweynaha Puntland C/raxmaan Faoole
[audio:https://www.halgan.net/Mp3/faroole2012.mp3]

Waxaa sidoo kale khudbad kooban ka jeediyey Garaad Cabdulaahi Cali Ciid wuxuuna sheegay in uu aad ugu faraxsan yahay in uu ka qeyb galo xaflada lagu qodayo Shidaalka wuxuuna balan qaaday in isimada ay la shaqeyn doonaan maamulka Puntland loona baahan yahay in lagu dadaalo nabada iyo midnimada.

Hoos Ka Dhageyso Khudbadii Garaad Cabdulaahi Cali Ciid
[audio:https://www.halgan.net/Mp3/garaad.mp3]

Waxaa sidoo kale ka hadlay munaasabada lagu furayey ceel shidaal oo laga qorayey deegaanka Dharoor Suldaan Cabdi salaam oo ka mid ah isimida Puntland wuxuuna ku baaqay dowlada Puntland in ay sameyso kaabayaal dhaqaale wuxuuna balan qaaday in ay dowlada la shaqeyn doonaan wuxuuna ku soo khatimay duco.

Hoos Ka Dhageyso Khudbadii Suldaan C/salaan
[audio:https://www.halgan.net/Mp3/sudaancsalaam.mp3]

M_M Deeq
Halgan.net

2 Comments so far

Leave a comment

Bismillaah,Runtii aad baan u jeclahay in la soo saaro shidaal baahi tira baahida guud ee gobolada Puntlan iyo soomaaliya oo dhan,waxaanse ka baqayaa in soo-saariddaani noqoto bilawgii bililiqaysiga khayraadkii dhulka hoostiisa ku jiray ee soomaaliyeed,ayada oo shidaalku u baahan-yahay dawlad adag iyo heshiis aad looga fiirsaday.waxaa kale oo aan ka baqayaa in gobolada kalana looga bilaabo si kafiirsi la,aan ah,natiijaduna noqoto dhirtii dhuxusha loo gubay oo laga dhaxlay xaaluf iyo lamadaan oo qura.
bismilah waa arin soo dhawayn leh balse somaliya hada suurtagal kama ahan shaqadaasi wayo waxa suuragal ah kuwa ka danbeya faroole inay sheeko kale keenaan waana sida ka dhacday somaliland shidalkii iyo xoolo dhoofintee shirgadaha lagula galay heshiiska xiligii riyaale haduu tagayna laga noqday marka hadii damaanadi jirto suurtagal si kale suurtgal kuma noqon karto waxaa kaloo jirta puntland inta aysan ceel shidaal samyn is gaarsiinta waxa ugu muhiimsan oo wadada ha samayso markaas ayay dowlad noqonkartaa sacmiguna suurtagal yahay wabilaahi towfiiq riyada cade muse alaha noo aqbalo oo ah in shidaal la soo saarto by ali yesuf karshe galkcyo