Ciidamada Huwanta oo hub ka helay qabuuraha Jabarti ee galbeedka magaalada Kismaayo

Kismaayo:-Howlgalo saaka ay sameeyeen ciidamada DFS iyo kuwa Ururka Raaskambooni ayaa waxay gacanta ku soo dhigeen hub tiro badan oo ku aasnaa  qabuuraha la yiraahdo Jabarti ee galbeedka magaalada Kismaayo ee xarunta gobalka J/hoose.

Ilo wareed lagu kalsoon yahay oo ku sugan magaalada Kismaayo ayaa Halgan.net u xaqiijiyey in hub faro badan laga helay  qabuuraha la yiraahdo Jabarti ee galbeedka magaalada Kismaayo waxaana sidoo kale saxaafada la hadlay sarkaal ka tirsan Ururka Raaskambooni wuxuuna sheegay in hubka la helay ay soo farfiiqeen dad ku sugan Kismaayo.

Hubka maanta laga helay magaalada Kismaayo ayaa waxaa ka kooban yahay AK-47 qoryaha Boobaha ah Ee PKM ka ,Baasuukayaal iyo rasaas iyo miinooyin kala duwan ilaa haatan waxaa socda howlgalada ay wadaan ciidamada Huwanta ee ku sugan magaalada Kismaayo.

Cabdi Yare
Kismaayo