Shil gaari oo ka dhacay galabta wadada isku xirta magaalooyinka Qardho iyo Boosaaso

Qardho:-Shil gaari oo sababay khasaaro leh dhimasho iyo dhaawaca ayaa galinkii danbe ee maanta ka dhacay  wadada isku xirta magaalooyinka Qardho iyo Boosaaso shilka gaari ayaa waxaa uu ka dhacay Wadada lagu magacaabo Qayaadsame oo u dhexeysa Qardho iyo magaalada Boosaaso.

Gudoomiyaha Degmada Waaciye Cabdisalaan Bashiir ayaa caawa la hadlay warbaahinta ka howlgasha gudaha magaalada Boosaaso wuxuuna sheegay  in shilka uu ku dhintay hal qof waxaana ku dhaawacmay 9 qof oo kale kuwaas oo haatan lagu dabiibayo isbitaalka magaalada Boosaaso.

Shilalka badan ee ka dhaca inta badan Soomaaliya ayaa waxaa loo aaneynayaa khibro yarida darawalada sida xowliga ku wada  iyo dayac badan oo ka jira wadooyinka la isaga goosho magaalooyinka waaweyn ee Soomaaliya.

M_M Deeq
Halgan.net