Al-shabaab oo sheegtay in ay weerar ku qaadeen madaxweynaha DFS

Muqdisho:-Ururka Al-shabaab ayaa maanta sheegtay in ay weerar la beegsadeen kolanyo gawaari ah oo galbineysay wafdi uu horkacayey Madaxweynaha DFS Xasan Sheekh Maxamuud waxayna sheegeen in ay laba gaari ka gubeen khasaaaro kala duwan gaarsiiyeen. Afhayeenka howlgalada Ururka Al-Shabaab C/casiis Abu Muscab oo maanta shirja,aaid qabtay ayaa sheegay in laba gaari ka gubeen wafdigii uu horkacayey madaxweynaha DFS Xasan Sheekh Maxamuud oo ku sii jeeday magaalada Marka ee xarunta gobolka Shabeellada Hoose wuxuuna sheegay in weerarka uu ka dhacay deegaanka Buufow.

Dhanka kale Afhayeenka Madaxtooyada, ahna la taliyaha Madaxweyna Eng:Cabdiraxman Cumar Cusmaan Yarisow ayaa sheegay in gaari ay la socdeen saraakiil ciidan oo ku socday Marko uu ku rogmaday magaalada Muqdisho uuna ku dhintay hal askari, dhowr kalena ay ku dhaawacmeen waxaana uu beeniyey in wax weerar ah lagu qaaday wafdiga madaxweynaha DFS ee maanta gaaray magaalada ee xarunta gobolka Shabeellada Hoose.

A/Cawale
Halgan.net